കൊല്ലം: കൊല്ലം ജിലയില് ആറ് മുതല് ഒമ്പത് സീറ്റ് വരെ നേടുമെന്ന് വിലയിരുത്തി സിപിഐഎം ജില്ലാ നേതൃത്വം. അഞ്ച് മണ്ഡലങ്ങളില് ശക്തമായ മത്സരം നടന്നുവെന്നാണ് കണക്കുകള്.
ഭരണവിരുദ്ധ വികാരമില്ലെങ്കില് മികച്ച വിജയം നേടുമെന്നും സിപിഎം ജില്ലാ നേതൃത്വം വിലയിരുത്തുന്നു. കൊല്ലം,ചവറ,കുന്നത്തൂര്, കുണ്ടറ, പത്തനാപുരം മണ്ഡലങ്ങളില് ഉണ്ടായത് കടുത്ത മത്സരം എന്നും ജില്ലാ നേതൃത്വം വിലയിരുത്തുന്നു.
ഇടുക്കിയില് സിപിഐ മത്സരിച്ച പീരുമേട് മണ്ഡലം നഷ്ടപ്പെടും എന്നാണ് സിപിഐഎം വിലയിരുത്തല്. പതിവായി വിജയിക്കുന്ന ദേവികുളം മണ്ഡലത്തില് ശക്തമായ മത്സരമാണ് നടക്കുന്നതെന്നും സിപിഐഎം ജില്ലാ സെക്രട്ടറിയേറ്റ് വിലയിരുത്തുന്നു.
ഇടുക്കിയിലും ഉടുമ്പന്ചോലയിലും ഉറപ്പായും വിജയിക്കുമെന്നാണ് കണക്കുകൂട്ടുന്നത്. തൊടുപുഴയില് വോട്ട് വര്ദ്ധിപ്പിച്ചേക്കും എന്നും സിപിഐഎം ജില്ലാ സെക്രട്ടറിയേറ്റില് എന്നും വിലയിരുകത്തി. കഴിഞ്ഞ തവണ ജില്ലയില് അഞ്ചില് നാല് സീറ്റുകളിലും വിജയിച്ചിരുന്നു.
കാസര്കോട്ടെ സിപിഐഎം സിറ്റിംഗ് സീറ്റുകളില് കടുത്ത മത്സരമാണ് നടക്കുന്നത്. തൃക്കരിപ്പൂരില് 4900 വോട്ടിന്റെ ഭൂരിപക്ഷം നേടുമെന്നാണ് മണ്ഡലം കമ്മിറ്റിയുടെ കണക്ക്. തൃക്കരിപ്പൂരില് ന്യൂനപക്ഷ ഏകീകരണമുണ്ടായെന്നും കമ്മിറ്റി വിലയിരുത്തി.
ഉദുമ മണ്ഡലത്തില് 1500 വോട്ടിന് പിന്നിലെന്നാണ് സിപിഐഎം മണ്ഡലം കമ്മിറ്റിയുടെ വിലയിരുത്തല്. സിറ്റിങ് എംഎല്എയായ സി എച്ച് കുഞ്ഞമ്പുവാണ് എല്ഡിഎഫ് സ്ഥാനാര്ത്ഥി.
കാസര്കോട് എല്ഡിഎഫ് സ്ഥാനാര്ത്ഥി ഷാനവാസ് പാദൂര് നാല്പതിനായിരത്തിലേറെ വോട്ട് നേടും. മഞ്ചേശ്വരത്ത് പാര്ട്ടി വോട്ടുകളില് ചോര്ച്ചയുണ്ടാവില്ലെന്നാണ് വിലയിരുത്തല്.ഉറച്ച വോട്ടുകളുടെ കണക്കാണ് മണ്ഡലം കമ്മറ്റികള് ജില്ലാ കമ്മിറ്റിക്ക് നല്കിയത്.
C